أن غبت ليلة تهل العين لك عبره
والقلب توقف على فرقاك دقاته
والعقل يتلف وحالي ينتهى صبره
والصدر في غيبتك ياكثر ضيقاته
شفت الوطن يالطيف الروح وش كبره..؟
تضيق فيني بعد هرجك مساحاته
كني غريب الوطن ماعاد لي دبره
ما ذوق حلو الكرى في كل حزاته
أسرح بفكري وصوت الحب له نبره
أفتح كتاب الغلا وأقرا ملفاته
حتي قصيدي يعاف الطرس مع حبره
أكره لحون القوافي وأكره أبياته
شوف الغلا كيف ودّاني على قبره
أنا أشهد أن الغلا عايشت صكاته
ياروح روحي حياتى فيك منجبره
الحب عشته معك في معظم أوقاته
أدمنت حبك وصرت أفيون والأبره
أرجوك قلبي لاتقطع عنه جرعاته
خلّك معي والغلا لا تقصر بشبره
مدام قلبي ما خابت فيك هقواته
ومدام ماخذ شهادة حب بالخبره
مولّعك زيد في دفتر علاماته