احبَّـك , جانـي , حيـل , يعلـمـون ,كثـر
آه / يانـي حيـل [ احبَّـك ] كثـر مـا لا يعلـمـون
آه / يانـي حيـل [ احبَّـك ]كثـر مـا لا يعلـمـون
وكثـر مـا لا يعلمـون [ أذوب ] ليتـك تعلمِـيـن
وآه / ياني حيل ضايـق [حيـل ] وأنفاسـي دخـون
تختلـج صمـت الرمـاد وتنبـش الجمـر الدفِـيـن
وآه / من حدَّ انتهـاك الطُهـرْ لـ/ اغْـواء الطعـون
مـن كفـوف الطيِّبيـن الى صْـدور [ الطيِّبِـيـن ]
وآه / يـا طـول المسافـة بيـن شكـك والظـنـون
ما بقـى فينـي أَسَـفْ يقنعـك يـا العـذر السمِيـن
وآه / يـا جـرح ٍ يمـون / وجـرح عيّـا لا يمـون
لا حَلَـفْ جـرح اليسـار / استغفـره جـرح اليمِيـن
كل شـي يهـون / بـس أرجـوك دمعـي لا يهـون
دمعـي اللـي علَّـم العشّـاق وش معنـى الحنِـيـن
دمعـي اللـي يختصـر حـزن المدامـع والعـيـون
دمعـي اللـي كبـر تنهـيـد الليـالـي والسنِـيـن
دمعـي اللـي بلـل أوراق المـواجـع والغـصـون
دمعـي اللـي ل/ استوانـي شـوق جيتـي تقطفِيـن
دمعـي اللـي ينتثرنـي ضيـم واكتبنـي [ جنـون ]
دمعـي اللـي كثـر مـا خطَّيـت وأنتـي تمسحِيـن
دمعـي اللـي يـا أكـون اليـوم وإلاّ مــا أكــون
دمعي اللـي يـا تجيـن اليـوم وإلاّ [ مـا تجِيـن ]
لــ/متى وأنتي عـذاب الـروح يـا الكـاس المَنـون
أشربينـي يــا عـسـاي أمــوت والله المعِـيـن
والله انّي غير امـرَّك غصـب يـا الطَّـرْف الحنـون
ووالله انّـي غيـر اشمَّـت فـيـك كــل العاذلِـيـن
ووالله انّـي غيـر اذوَّقْـك الغـلا طـعـم ٍ ولــون
ووالله انّـي غيـر اليَّـن فيـك شـيٍّ مــا يلِـيـن
ووالله انّـي غيـر افـج الــزَّور وآدِكْ الحـصـون
ووالله انّـي ل/ اتمركـى بـيـن رمّــان ٍ وتِـيـن
ووالله انّـي للمحبَّـه والـهـوى اطـيـب زبــون
مـن دفـع كثـري علـى لامـاك كانـك تذكرِيـن ؟؟
ايـهاحبَّـك .. والعشـم سـود الشـوارب والدقـون
ايه احبَّك .. [ طيش ] وش عندك ؟؟ تبين / أو ما تبِين
ايه احبَّك .. هو يـرد الجـوع شرهـات الصحـون !!
ايه احبَّك .. ما حسبت حسـاب يومـك [ تحْسَبِيـن ]
ايـه احبَّـك .. وادري ان الليـل للخالـي سـكـون
بس انـا مانيـب خالـي كـود مـن عقـل ٍ ودِيـن
عقلـي اللـي ضـاع مـا بيـن الردايـف والـردون
ودينـي اللـي فـي رجـا المعبـود رب العالمِـيـن
وآه / آه / آه / آه .. كـثـر مـــا لا يعـلـمـون
وكثـر مـا لا يعلمـون أمــوت / وادري تعلمِـيـن
’،
منقول