تعبت أشكي
تعبت أبكي
تعبت أحكي مآسي الروح..
قتلني الوقت بظروفه
ذبحني وجفف أنهاري
أخبي علتي وأسكت
وأنا في داخلي مذبوح
أجامل وأرسم الضحكه وأنا قلبي على ناري
أحاول والله يعلم بي
أداري دمعتي لاأبوح
أداري الجرح وأتجاهل
عن اللي ينشد أخباري
أقول بخير لكني جريح وفي حشاي جروح
صداها لو دفنته يوم يبين سنين بأنظاري
صرخت بحسرتي يكفي
صرخت بصوتي المبحوح ألا ياوقت وش ذنبي
عشان أجيك بأعذاري
تبعثر حلمي قدامي
وصرت بدنيتي منزوع وقفت ولاقدرت أجمع
غير شتات أفكاري
أهدي النفس وأخدعها
وأقول إن كربتي بتروح وهي والله مولوده قدر في أرحام أقداري
قتيل والبقا براسي في دنيا مابها مصلوح
قتيل والقهر قاتل من اللي ياخذ بثاري
أنا ببقى ضحية وقت
أعاني والعنا مجروح
دعيت اللي خلق يرحم رجيته ربي الباري
أبي أسعد أنا بلحظه قبل نزعه توافي الروح
قبل ماأرحل عن الدنيا وأروح لآخر دياري
أنا بأحمل صديد الجرح في باقي وقتي المسموح
رثائي دمعي الطاهر
في صمته مارضى بالنوح
رثتني قسوة الدنيا~
رثتني حتى أشعاري
لجل ماأضعف بعين اللي نشدني كيفها أخباري..!