محبوبتي أسقتني كاس المهانة

ونبت بقلبي جرح غاير ومدمول


واسقتني بعده كاس غدر وخيانة

وانا من اول كاس خابط ومثمول


يا للأسف ما حافظت ع الأمانة

راحت تدوِّر بالهوى غيري مهبول


عجزت اناشد قلبها في حنانه

وعجزت أرد الحب والحب مذهول


وتعبت اجاهد غدرها في عنانه

وتعبت أمد الوصل والوصل مخذول


يا حيف ضاعت عشرتي والمكانة

واصبح وجودي قربها غير مقبول


مسكين قلبي عاش أحلى زمانه

معَ حبيبة حبها كان منقول


ما لوم قلبي لو يراوح مكانه

الدار داره لكن الباب مقفول