كنت أظن أن السنين اللي مضت أفنت هواك
وأثر حبك في ضلوعي يا حياتي مختبي

ماج موجي وانكسر مجدافي بنسمت هواك
وتاه في طوفان وجدي يوم شفتك مركبي

حلقت أسراب شوقي غصب عني في سماك
شبي الحسره سعير ومن ضلوعي أحطبي

بعثريني الف نجمه شاخصه ترقب مساك
وأمسحيني من جديد وعوديني وأكتبي

أنثريني عطر يفتن ليالك الخاشع شذاك
جرديني من شموخي وأنزعي لي مخلبي

آه يالحب المحال مافتيت أطلب رضاك
جيت له راكب وماشي جيت أحبي له حبي

آه يا حظ" حرمني أقضي سنيني معاك
لو انا بقدر عليه كان يخسى ويهبي

آه يا عشرت سنين كنت أذكيها جفاك
أزرع النسيان في قلبي وأظنه مهربي

آه يا وهمن تهاوى يوم زلزلني سناك
قلت ياوهمي ترجل ياقصايد أزهبي

حبي البكر الجنوني ما قدرت أمحي غلاك
وادري وصالك محال والجنون فمطلبي

لو نسيتي علمني لجل أتبع خطاك
علمني كيف أغير عن غرامك مذهبي

علمي من هو أذ يبغى يقول أنه نساك
لعثمت حتى لسانه كأن ماهي لعربي

قلبي اللي ما تسلم مني زمامه سواك
سقت له أحلى البنات وكان في عشقك أبي

يا بدايات القصيد أصدق أحساسي معاك
طفل شعري في ربوعك فتح ومنها ربي

كنت لجل أكبر في عينك أطرق طروق الهلاك
أضرب المنطق بعرض الحيط في صلف الغبي

كنت أشوف أن الحياه محورتها في فلاك
في وصالك لي شروق وفي رحيلك مغربي

اول أشوقي انكسري قاصمي يبقى هواك
لو بديت أجرد سنيني رغم فقدك مكسبي
__________________