الله يسامـح مـن جرحنـي بصـده والله يجازي الوقت والوقت غدار الصاحب اللي لـه بقلبـي مـوده من يوم راح وكن قلبي على نـار في كل يوم اقرى جوابـه ورده واهل دمع العين مدرار مـدرار الله يعلم عنـه وش كـان قصـده يومه تركني تايـه البـال محتـار انكـان قصـده يمتلكنـي بيـده اصبحت ملك ايديه والقلب له طار وانكان قصده يرمي القلب سـده ويدعس عليه بقادمه كلمـا سـار لا والله الا لـي كرامـه وهــده الحر يبقى عاليـن بيـن الاحـرار ود الخـبـر بالله يـاطـيـر وده رد السلام وهات لي منه الاخبـار وقله ان القلـب مـن قبـل مـده يذوق طعن السيف قصاف الاعمار من فرقة الغالي عسى الله يـرده ماذقت طعم النوم في ليل ونهـار