لـو سـألني الـورد عنك علمينـي ويـش أقـول
وان وصفت أول جمالك كيـف ابوصـل آخره
وانتي روضه من حلاهاكحَّلت عيني الفصول
رقّـتـك ورده وروحـي كالطبيعـه الســاحــره
عذبة الأطباع و أكثر إنتي يالعفّ الخجـــول
من لفيت الدنيا و انتي مثـل غيمه ماطــــره
عالية أصـل و مطرهـا كل ما جـاد بـــنزول
مثلها إنتي كريمـه وهيَ مثـلك طـاهـــــــره
مـيّزك ربـي بمـلامح زادهـا نـور و قـبــول
و بعيـونٍ منها غــارت ألــف نجمـه سـاهره
هذا غيرالشمس ياللي جاها من حسنك ذهول
واكتبت في مـدح زينـك لين صارت شاعره
مذهـله في كل حاجـه إنتي يا بنت الأصـول
في هدوئـك في كلامـك والمعانـي العاطـره
لك تفاصيـل إبتسـامه تاخـذ ألـبـاب العقـول
بـارده عالقلـب كنْهـا نسـمه حلـوه عـابـــره
هـذا إنتي و ما أبالـغ لو أقـول إنّ العــذول
من كـثر طيبـك دعا لك بالسـعاده الـغـامـره
صدقينـي إنتي غـير وصدقينـي لـو أقــــول
إني يا روضـة زمـنّـا إنتي حـاجـه نــــادره