1- مامدى علاقتك بالشعر؟
أعشق الشعر والنثر والكلمة الجميلة وتأسرني قصيدة
ويسبيني بيت وربما أتوه بين نبض قصيدة.
2- من هـو شاعرك المفضل؟
شاعر الحب والمراءة ، البدر
3- أعضاء في منتديات قبيلة آل شراحيل تعجبك ذائقتهم الشعريه ؟
بصراحة هناك كوكبة من الأعضاء تبهرني
ذائقتهم الشعرية اذكر منهم،
بنت النور
إحساس
اسير الصمت
ابو عبد الرحمن
ابو غلا
الحياة حلوة
اسير الوجدان
وغيرهم كثر
4- بيت شعر يحضرك دائمــآ؟
لا تعــاتبنـــي على كـثـرالـبـطـا ..،
وش يفـيــد اللــوم لامـن لـمـتنــي ..،
قبـل ما ترمــي عليّ كــل الـخـطـا..
ليتــك أول .. وسط صدرك خذتـني..
شـيٍ أقـســى من ظروفــي بي سطا..
احـمـد الله .. إنك اصــلاً شــفـتنــي..
لومني.. ما هو بكيــفي.. ( هـ..الـبـطا )
ما هـو أنــت اللي لحالك لـمـتــنـي..!!
5-قصيدهـ تعدهـآ / تعديها من اروع القصائد؟
ياامُرّؤآ القيّـًسٌ واللهّ مْالهٌـًا دَاعِـًيّ
وشِوّ لهَ تُوَقفَ عَلىّ الاطـًلال تَبْكيّهـًا
لاتَقَوّل ذكرْىّ الحبْيّبْ بْحَجـًةَ اقَنّاعَـّيً
وّش تِنْفَعًك ذِكرْيـّاتً ٍ رَاحّ مّاضَيّهُا
مّنَ صَدْ عنَيّ حَرْامّ انَ جيّتَ لهّ سّاعَيً
دَامْ المّحَانِيّ تُقـًومْ وّجَرْحهَـًا فِيّهْـًا
القّلبْ غبْةَ بْحـًرَ والفَضِـّل لشَرْاعِـًيّ
مْايّلتَفِـُتٌ للحَـًدْوّدْ اللـًيّ يّعديـّهَـّْا
بالمْرَكبْ الليً صَنِعّتهَ بْـًسّ لأبْدَاعَـٌيّ
قبْطانّ ... مْنَ ويّنَ مْـّا وَدّيً اوْدْيّهٌـًا
ويّامْرّؤآ القيّسً كانّ السّـرْ بْاوّجَاعِـًيّ
بعِضّ السّوَالفٌ تَمْوّتً بْفِـّمَ رْاعِيّهَـًا
الفْكرّ عَزفِيّ وَنِبْض القّلـًبْ ايّقِاعِـًيّ
والشِعْرّ وّنِسًةَ عمْرّ والنَـٌاسّ تِرْوّيهـًا
وانّ كانّ صَدْتَ كذّا عنّ رٌوّضَ مْربْاعِيّ
لاتّحَلمْ انِيّ اجيّـَبْ العّـًذرْ وّارْضِيّهـًا
وّاللهَ لوّ انَ الجّفْا يّلوٌيّ لـًيّ ذِرّاعِـًيّ
لاقِطعّ ذِرَاعِـًيّ لهّـًا وّالوّيـًه بْيّديُهـًا
اهل النِفَوسٌ العّزَيّزَهـٌ عِشَقِهّـا وّاعـًيّ
ماتِنْحنـُيّ للغّـًرامْ اللـًيّ يُوطيـّهـًا
ويّامْرّؤآ القيّسً مْاتّخِفـّاك الأفِاعـٌيً
تِمْوًتّ والسًـٌمْ بَاقِـًيّ فِـًيّ عَلابْيّهـًا
لابْارّك اللهَ بْعـًذرّآ ٍجَـًرحْ اسّمْاعِـًيّ
ولابْارك اللهَ بَمّنَ هوّ جـُابّ طاريّهَـُا
6- أن لم تكن / تكوني شاعر/هـ ..هل لديكـ محاولات لكتابة الشعر؟
ابد ماعمري حاولت،
7-هـل مر يوم تمنيت ان تكون /ي شاعر/هـ؟
بالتأكيد لكن حيلة الله اقوي
ماكتب ربي اكلع شاعر وإلا كانت علوم
ههههههههههههههههههه،
8- لديك مساحه بلا حدود أمتعنا /امتعينا
بقصيده على ذوقك؟
على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني
تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني
لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني
صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني
عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني
أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني
رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني
تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني
تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني
وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني
ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني
أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني
زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني
غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني
إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني
أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني
سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني
عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني
أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني
وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني
وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني
ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني
أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني
ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني
ما دام أن كل من يحيا على وجه التراب تراب
اشكرك أخي ابو عبدالرحمن على الإستضافة
الجميلة الممتعة واقول الله يعطيك العافية على
المتابعة الحثيثة لهذا الموضوع الراقي
تقبل مني التحية والتقدير لشخصك
الكريم..
اخوك: زمان الصمت..