(((*** قصيدة الله يصبرني على اللي جرآآلي ***)))

الله يحفْظك يا بعد كل غالي
ياللي سكنت ديار ناسٍ بعيدين

شوقي عليكم زاد يا بعْد حالي
حرّق فؤادي وشب بالقلب نارين

طيفك يزاورني و ياما طرالي
ما غاب عني يا منى الروح والعين

الله يصبرني على اللي جرالي
الله يصبرني على بعد غالين

ماعاد لي قدرة ولا لي احتمالي
على الفراق الله يساعدني ويعين

أبطيت عني والبعد عنك طالي
وانا اتحرى جيتك حينٍ وحين

أعد ساعات العمر والليالي
و أخفي جروحي عن قرايب موالين

متى يطيب الوقت و يطيب فالي
و تعم فرحتنا قصور وميادين

اللي منول كان دايم قبالي
أروي نظر عيني بشوف المحبين

مالي على فراقه بديل و بدالي
غير الدعاء له و الصبر يالمسلمين

هذا رجا قلبي وهذا منالي
اللي بشوفه يصبح الفرح فرحين

شكواي لك ياللي عليك اتكالي
يا خالق سبع السماء والاراضين

الله يرده لي و يرتاح بالي
ياللي قريتوا القافيه قولوا آمين ***



تحـيـــــــــاااااتـــــــي للجميــــــــــع // ((** أبــــــوغــــــــــلااااء **))