في حروفك شعر يجذبني اليك
وفي عيوني موج رادف حيرتي
وفي سكونك مد يبحربي واجيك
من عنا الاسفار اسكن غربتي !!
الوله والشوق ينشدني عليك
والعناء والهم ساكن ديرتي
للقا ..يا خل والله اشتريك
واشتري لك دنيتي ..لك سلوتي
في وجودي حس ينبض لك يبيك
وفي شعوري انت .. دايم خلوتي
ياهنى ليلي معك مالي شريك
انت وحدك لي ..تكمل دنيتي
من ظلام الليل عيني تهديك
كالقمر اللي سفر في ظلمتي
يوم تقبل طلتك كنك مليك
يا مليك الكون .. لبي طلبتي
يوم جيت القلب في حبك هليت
وصحوته لقياك ..والله منيتي
التراب اعشب في دوست وطيك
والزهر شبت غصانه دمعتي
ليت يوما دون حسادك اجيك
واهتني وياك بطيب نسمتي