حسي بلوعات الليالـى والاحـزان
.................. بعديـن حسـي بالهـوى لابغيتـي
وش به يهمك لـو يقولـون زعـلان
.................. لو فيك ذره من الغلا مـا جفيتيـي
ياللى تقولين الخطـا زلـة السـان
.................. فى زحمـة الايـام ليـه اختفيتـي
خطاى وان جا مدرى الذنب وش كان
.................. ليه انتهـى ذاك الغـلا وانتهيتـي
وقفت فى وجه الزمن قدر الامكان
.................. وانتي جنح فيـك الخيـال وغفيتـي
غلطان انا فى كل الاحوال غلطـان
.................. أسرجت لك خيل القصيـد وسريتـي
جيتي وقلت الجرح يوم اقبلت هـان
.................. وانتى على الجرح القديـم ارتكيتـي
قلتي لي ان الحـب لابـد ينصـان
.................. واليوم مـا كنـك دقايـق هويتـي
شافوك حساد الهوى شوف الاعيان
.................. يومك على رجـم القصايـد رقيتـي
ما بان شي ولا بقى شـي مابـان
.................. بس انتى اللى غافلـه مـا دريتـي
العام لك طاري بقلبي ولـك شـان
.................. واليوم احس .. بغلطتـي لا طريتـي
وأن قدر المولى وعشتي بحرمـان
.................. ومن حر لوعـات التجافـى بكيتـي
تذكرى قلب ((ن )) لـه سنيـن شفقـان
.................. شوفى بحقـه ياكثـر مـا خطيتـي
كل القصيد اللـى أقولـه علشـان
.................. تهزك الذكرى...عقب مـا نسيتي