أويلي فقدتك يابوي وينك اليوم وينك
فقـدتك وحياتي بعدك صارت مظلمه و مليله

تركتني يابوي بين صرخاتٍ تشتكي لك
و تكاثرت بعد فرقاك بلاوي و همومٍ حصيله

آه يـامصعب الفرقــا وياقلبـــي الله يعينك
تحمـل وتصبر واطـلب من الرحمن مساهيله

عجزت أعيش بين جدران لامست يديينك
ورضيت المكان اللي فارقت روحك روحي العليله

يابوي تــلاعب بداخلــي شوقـــي لحنينك
ياحــر شوقي وتعب عينــي والليالــــي طويله

ويش الدنيا والسعاده بعدما صرنا فاقدينك
ومن هو اللي يحتوي همــــي بعــدك ويشـــيله

يابوي ما شي يسلي خاطري بعد رحيلك
وبعــد موتتك معــــاد تنقلــني عظامـي النحيله

ليمن دخلت الدار روحي تشهق تنادي لك
ودي اطلق عنانــها روحي لكــن مابيدي حيله

دوم أتخيــل يــوم العزا .. دفـنك وتكفينك
صـورة ماتفارقني وومافي خيالي صوره بديله

ليت يوم شالـوك بالنعش شالونــي بــديلك
طحنــي قلبـي وتلني عروقــــه والدموع هميله

ودي يوم شفــت قبرك تمنيت اني وزينك
يجينـي مايجيك ومــانفترق انا ويــاك ولو ليله

ياتعب سمعي من همس المعزين ياعزتي لك
آه ياشقــا قلبي ويـاكبر اوجاعـه وحزنه وويله

يالله انك تدخــله الفردوس ياربــي دخيلك
رجــواي ياعظيم المن تبيحه وكــل همي تزيله



كلمات لم اتمالك نفسي ودموعي عند قراءتها
رحمك الله يالوالدي الحبيب
جد اشتقتلك 00