ذكرتك والزمان غروب ذكرتك والمكان الشط بالصدفه
ذكرتك والعيون تذوب دمع من حنيني ماستر خافي
ذكرتك يوم شفت الشمس غابت والقمرينساب من شرفه
ذكـرتك والـنجوم تلون لحاف السماء وتعاتب الجافي
ذكـرتك نـصف قلبي هم شوق وهم حبك ماخذ نصفه
ذكـرتك كـل مـافيني حـنين ودمـعتين وكفي الدافي
ذكـرتك ما ذكرت إلا عيونك والجبين و كل ما اعرفه
ذكـرتك مانسيت إلا جروحي والأنين ودمعي الصافي
انـا اول عـزاي انـي حملت العاشق اللي مانسى حلفه
وانـا آخـر عزاي انك نسيتيني وانا طيفك معي وافي
تـلوم الـلى تـفانى فـي طـريق مالقى في اخره ولفه
إلى منه بكى كل الندم في حجر عينه غصب ينشافي
اروح ولا طـرت حنيت مثل مضيع يركض على حتفه
ولا نـاديتها كـسر حنيني جوف صدري مثل مجدافي
يـبيك اللـي عيونه ماقوت تحمل قليل من بعض عطفه
يـبيك اللـى مشالك او مشابك او مشى في سكتك حافي
يـبيك اللـي اذا شـافك تلعثم بالكلام وينصعب وصفه
يـبيك اللـي يـشوفك شمس والدنيا ظلام ودفتره طافي
انـا قـلت ازعلي خليني اشوف الحنين وش مدى نزفه
انـا مـاقلت خـليني اقـول مـن الـوفاء يالله ياكافي
امـوت ومـا اعود اتذكرك والمشكله طيفك ملا الغرفه
وامـوت وما اعود انساك ياحبي القديم الصادق الوافي