من يجمع الغيـم بيدينـه ويسقينـي
واصب عيني لعينه واحطـب اهدابـي
من ياخذ النوم من جفني ويسرينـي
ويعلق الصبح قبل اصحى على بابي!!
تعبت اوطّن بقلبي شخـص ينفينـي
تعبت اهجّر حمامِ حـب محرابـي !!
تعبت اقطّف حروفي مـن بساتينـي
والناس تعجب وانا مانلت اعجابي !!

حريتي معك ! لكن عطنـي ايدينـي
اخفي بها حزن متسلطن بهدابـي !!
محتاج انـام ودخيلـك لا تصحينـي
الا على انفاسك اللي تشبـه اطيابـي