انتهى ليل الشقى وابتدى صوت الرحيل
وإنطفى نور الأمل وانكشف غدر الليال


في عيوني صمت الأحلام والحظ البخيل
وفي ضلوعي جرح الآيام بصمه لاتزال

ياهجوسي مابقالك مبات ولامقيل
وقفيلي ماقف الجد قدر الإحتمال


اشعلي نار القوافي على راس الفتيل
لين ترقى هامة الشعر في روس الجبال

واعتقيني مابقالي على الأحزان حيل
وعذاب الي من الوقت ماجاله مجال


المصيبه قلبي الي يعشق المستحيل
يعشق نجوم السماء لابس ثوب الخيال

في عذابك خمسه اسنين يادرب الطويل
ضايع في ساحتك لافراق ولاوصال


ليلة البارح صداها على نفسي ثقيل
هاجمتني من عنا الوقت بجيوش وقتال

آه يابرد الغلا فيك ضيعت الدليل
فيك ضيعت الاجابه وضيعت السؤال


لاتوصيني على الهم يالحب القتيل
الهموم اللي على القلب عندي راس مال

قاطع(ن) حبل الوصل فيك يالوجه الجميل
وعارف اني يالغلا هكذا في كل حال


في عيوني صمت الأحلام والحظ البخيل
وفي ضلوعي جرح الأيام بصمه لاتزال