محتاج لك بأدفي يديني من ملآمس يديك
هالثانيه بالضبط ماظن الشعور يفوتها


عندي قصيده ودها من خالص إحساسي تجيك
حتى معانيها تبي تاصلك قبل بيوتها


قصيده يرجع سبب تركيبها منك وإليك
وآنت تعرفها من ملآمحها وبحة صوتها


ياللي بديتك شوق كيف أشواق قلبي تنتهيك
وأحلآم عمري لآفقدتك ترجع لتابوتها


إي والله أحبك ولآزلت أعشق وصالك وأبيك
وفي خاطري لك هيبة ملوك العرب ببشوتها


لآجيت أبشكي لك رجعت وقلت وشلون أشتكيك!
وأسكت لو إن جروح قلبي ماتطيق سكوتها


كم لي وأنا أنادي عليك آمال عمري وآحتريك
وكم لك تجيب أعذار من زرق البحور وحوتها


مع كل هذا .. والله إني مشتريك وبأشتريك
وأحسد عليك أهل الوعب وجوها وبيوتها



لآ تكثر ضنوني علي .. وتكثر ضنونك عليك
نفسي فراقك ضيم حالتها .. وقربك قوتها


أموت لك /أموت منك /أموت معك /أموت فيك
ضع خط .. تحت الموته اللي تعجبك وأموتها

<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>