هلا اخواني واخواتي الغالين اول شي انا عضوه جديده ويسعدني الانضام معاكم في هذا المنتدى الرائع وثاني شي انا يا حبايب عندي مشكله وياريت القى عندكم حل لها انا من فتره تعرفت في احد المنتديات على بنت طيبه وحبوبه وصرنا نراسل بعض رسائل خاصه وبعدين تطور الامر وصرنا انكلم بعض على الماسنجر وبعدها على الموبايل ... أكيد الحين بتقولون طيب وين المشكله ؟ المشكله يا حبايب ان البنت هاذي اتحب تتكلم كثير بشكل ما تتخيلونه يعني اول اتصال اتصلتلي اقعدت اتكلمني ساعه وهي من دوله خليجيه وانا من دوله خليجيه أخري واذا تكلمت تتكلم في كل شي بالتفصيل الممل حتى أدق التفاصيل تتكلم عنها وانا طول المكالمه ماقول غير طيب.اوكي.ليش.وبعدين.اها. ايوه.وعلى ها الحال حتى ماتتركلي مجال اتكلم ماشاءالله عليها ماسكرت الخط الا وانا راسي داير.. وانا طبعي ياحبايب هاديه جــــــــــــدا وحساسه وماحب الازعاج والثرثره الزايده .. لا واللي يقهرني اكثر انها اذا اتصلت ومارديت عليها ترجع تتصل مره ثانيه وثالثه ورابعه وانا انسانه هادئه يعني مب فاضيه واتصالاتها اتسبب لي احراج انا ما ارد لاني ادري لو رديت ما راح اخلص ... حتى اتصدقون أمس سكرت موبايلي تقريبا ثلاث ساعات ولما فتحته لقيتها متصله تقريبا سبع مرات انصدمت ..طيب اتصلتلي لقيتي الموبايل مغلق خلاص اتصلي اليوم الثاني او اللي بعده ومره كنت توني داخله غرفة نومي بنام اتصلت ولما مارديت ارجعت اتصلت مره ثانيه وثالثه والله احرجتني ... عاد انا من النوع اللي ما احب ازعل احد اذا كنت مشغوله ومارديت عليها ارسل لها مسج اعتذار بس اهي الله يهديها ماتقدر ترجع بعد يومين او ثلاث تحرق موبايلي من الاتصالات .. حبايبي ترو مو معني كلامي هذا اني انطوائيه وماحب السوالف بالعكس انا اجتماعيه وعندي صديقات دايما يرسلولي مسجات لانهم عارفين اني هادئه فمايحبون يزعجوني وانا استانس كثير على مسجاتهم لاني احب المسجات لان مثل مانتوا عارفين المسجات عادي بكل وقت الواحد يقدر يرسلها حتى لو كان نايم او مشغول ههههههههه مو مثل المكالمه .... المهم حبايبي الحين مادري شسوي انا جدا منحرجه منها انا حاليا استخدم رقم موبايل ثاني اهي ماتعرفه لان عندي رقمين هاذاك سكرته بس خايفه انها ترسلي ايميل وتسألني وينك او ليش موبايلك كله مسكر وش اقولها وشلون اتصرف معاها؟؟؟ فعلا انا في موقف محرج تكفووووووووووون ساعدوني انا ماحب احد يزعل علي .