عساي ما طوّلت.. في غيبتي، عنك!
ياللي غيابي عنك.. ماهوب، هيّن..

لوهو بكيفي! كل ما شوفك أحضنك..
ياللي غلاك أخفيه، عنّك.. وبيّن..

سبحان من في موق، عيني مزيّنك!
ومشيّنٍ غيرك! ولو هو مزيّن..

شكله، ولبسه، واقتبس، من محاسنك..
أشوفه المديون، وانت المديّن!

الخوف! ماهو منك.. لان انت، ضامنك..
مير الليالي، في ملاقاك.. عيّن!

سود الليالي، حلوها ما يطمنك..
لو كنت حذر.. وفوق هذا تحيّن..

يا قربك بقلبي، ويا بعد.. موطنك!
وراع الهوى، قلبه.. من الشوق! ليّن..

والخوف! ماله حل.. الا آخذك منك..
والوقت ما آمنه! لو كان.. ديّن..

ودي أحطك، في خفوقي.. وأمّنك!
إلعب، ورتّب فيه، وافصل.. وعيّن..

هذا مكانك فيه ، وأرضك، ومسكنك..
ياللي غلاك أخفيه، عنّك.. وبيّن..


...