رحتي مثل (دمعة) وانا رحْت مفقود
كلن حياتة في حياتة فقدْها
صارت أمانينا مِقابر بلا حدود
من وين ماجينا لقينا لحدْها
رحنا و وجه دروبنا بوجْهنا سود
كن الزمن شَدْ الظروف وعقدها
لَ.الوقت راحمْنا / ولا.الحظ محمود
ياضيقةٍ -عيّت- تغطي جِسدها
يمرّني طيفك وانا كلّي قيود
مخنوق في [فرحة] تعدّا وعدها
فرحةْ عقيم(ن) كان حلمه بمولود!
شوفي شكبر حلم العقيم بولدها !!
أغراب لكن! ننتظر شيْ موعود!
عَل الليالي تنْطوي في نكدها
يمكن عصافير الأمل لجلنا تْعود
واتْعود كل غيمة تعدّت بلدها
تزرع بِقايانا بساتين و ورود
واحلامنا تكْبر | ويكْبر سعدها
يمكن!.. ويمكن مالها شيْ موجود
وأللي (فقد) فينا حياتة../ فقدها !
تبْقى أمانينا نِهايات وصْدود
والفرحة تُولد [ ميّتة ] في مهدها !!
.
.