ماقلت لك لاضاق وقتك والملا بعينك يضيق
تعال اشيل الهم عن قلبك وانا اشرب علقمه..

وش فيك يوم زاد نفسك حملها مالا تطيق
صديت كني من وجودك؛قبل موتي معدمه؛..

وانا الذي شديت حبل العشق من عهد وثيق
..وحلفت لارضي سر بالك قبل ماينطق فمه..

وانا الذي اخترت اكون الاهل دونك والرفيق
وانا الذي ارفع جبينك عز وغيرك اهزمه..

انا المحبه؛والاخوه؛وان تبي اوفى صديق
((مايكفي اني صرت اشوف الموت لعيونك سمه))

ماقالوا ان الحب*شيمه*تضحيه*وحس رقيق
والامل من غير حب .. ليلة مسافر مظلمه ..

تعال وارمي كل مابك وسط بحر بك غريق
ثم احسب النجم بعيوني لااشتعل بي وارجمه..

واذا تبي..انحر ضلوعي..بيت واسوار وطريق
وابكي صروح الخوف لاجلك وان غمرني اهدمه..

واذا تبي تجعل,خفوقي,حلم عله مايفيق
لو انتظارك مقتلي .. قرة عيوني مبسمه..

ان ماجعلت الليل دونك من مصابيحي بريق
وان ماتركت النوح جرح مات واحيي بلسمه

وان مانثرت العمر بيدك صبح ورد بي يليق
وان مانثرت الحرف يصبح منك اعظم ملحمه

مااكون ذيك اللي تقول:ان جار وقتك لاتضيق
بعينك الدنيا وانا اكوي الهم واشرب علقمه