-*™£ منتدى آل شراحيل بفيفاء£™*- - عرض مشاركة واحدة

11-14-2011, 03:09 PM

آه .. يـا ليـل الجفـا .. عمـرك طويـل
من سهرتك و القهر يسهـر معـاي ..،

في فضـاك أستمطـر أحزانـي .. وأسيـل
وما أعرف مـن الزوايـا وش مـداي .. ؟

أرتمـي بـك مـن ورا الحلـم الجميـل
حلم كان .. ويبتدي بـه منتهـاي ..!

اشتكي لك من عطـش روحـي و أخيـل
غيمـة تمطـر مطرهـا .. مـن وراي ..!

أنت يـا ليـل الشقـا عـن كـل ليـل
استمع لي .. لين ما أشْرَح لك ْ خطاي ..

كثـر مـا زان الزمـن .. عنـد الخليـل
شفني اشكي لوعتي .. وأكتـب عنـاي ..

أذكـر إنـه راح .. وأحزانـي : نخـيـل
عذق جرح ، و عذق هم ، وعذق آي ..!

لين صرت " إنسـان " مـا يلقـى دليـل
في طريق الحب .. يا موطـن شقـاي ..؛

أجمـع الأحـزان والمغـنـى عـويـل
يا لحن راحوا علـى نغمـة وفـاي ..،

وأتخيـل صوتـي الضـايـع .. صهـيـل
في مسامـع صحبتـي .. و أردف نـداي :

يـا خـوّي الليـل .. لا ترجـي قليـل
من عطاي إن كان تطمع فـي عطـاي ..

مع ليال الحـزن مـا نلقـى حصيـل
غير دفتر ذكريـات وعـزف نـاي..

وأنت يا ليل الجفـا .. عمـرك طويـل
من سهرتـك .. و السهـر يسهـر معـاي

مما راق لي...