واذكر ماجرى مني واجلس اقضي الساعات
اشاور نفسي بنفسي لعل الله يهدينـــــــــــي


تجيني تشكي بفتره وهي فتره من الفتـــــرات
لحاها الله من فتره لا منك جيت تشكينــــــي


احاول ابتعد عنك واقضي معظم الاوقــــات
بعيدن عن مدى عينك ادور شي يلهينـــــــــي


انا والله ما قصدي ولكن قمة الماســــــــــــاة
لاجات الناس تتكلم وحكي الناس يؤذينـــــــي


انا اخطيت في حقك وجيت اكتبلك الابيـــــات
ابا اقول الذي عندي وريت الوقت يمدينـــي


تطري دايم في بالي في كل لحظه من اللحظات
ياسارق عقلي بحبك يادمنٍ في شرايينـــي


بدونك مدري وش يبقى احس ان البشر اموات
واحكي للفرح اسف خلاص اليوم اعفيني


تقابل صدي بوصلي وعتابي باطيب الكلمات
ولا قفيت في ضيقه وانا المخطي تنادينـــــــي


انت الي تواسيني لا ضاقت حالتي بــــالذات
وانا والله ما حصلت غيرك من يواسينــــــي


انا مانويت في فرقاك وهي اعمال بالنيـــات
وربي الي يحاسبني وربي الي يجـــــــــازيني


تخيل لو تغيب اقول عيني مستحيل تبــــات
مغير تبات في شوفك كانك ساكنن فينــــــــــي


مشيد لك وطن فيني وحنايا صدري الحارات
طلبتك حل في صدري وحط ايديك في اديني


لو انك نزعة الدخان وهي نزعه من النزعات
انا مدمن هواك الي يعذبني ويكوينـــــــــــي


وجودي وجد مايوجد وجوده وجد من قد بات
جائع مهما ياكل من ثمر خضر البساتينـــي


وانا مهما اشوفك ما امل ومعظم النظـــــرات
تحسسني بذنبن بذكره لو طالت سنينــــــي


ذنب اني انا مرتاح وانت تنوح بالــــــونات
وانا خابر هوى العشاق مصيرن يربط اثنيني