صباحكم /مساكم بخير

جايبلكم معي أكلة غير شكل

الأكلة الشعبية ازا ما الاولى بتكون التاني بالمطبخ الحمصي

الحراء أصبعو

رح ندخل مباشرة على المقادير و طريقة التحضير

2ونص رغيف يابس ( وأشدد على كلمة يابس ) بايت يعني مقطع الى مربعات

بصلة مفرومة

رأس ثوم وسط مقشر ومقطع الى حلقات

رشة نعنع يابس
سمنة عدد 3 ملعقة
4 أكواب ماء
مقدار كاسة شاي ( دبس رمان ) بس يكون حامض ما محلون ومليان ملح الليمون وسكر
ملح حسب الرغبة

طريقة التحضير
منحط معلقة سمنة بالطنجرة ومنقلي البصلة لحتى تدبل ويتغير لونها
كما في الشكل

بعدا منصب المي فوق البصلة ومنستنى لتسخن شوي ومنحط دبس الرمان ومنحط الملح

هلأ هون في ملاحظة : أنا قلت مقدار كاسة شاي دبس رمان بس في ناس بتحب الحراء أصبعو تكون حامضة كتير فالذوق بيلعب دور بهالموضوع وفيككون تتحكموا انتو بتركيز دبس الرمان والملح

منرش فوق المزيج ملعقة صغيرة من النعنع اليابس وهوي ضروري كتير لأنو بيعطي الحراء أصبعو نكهة وريحة طيبة

كما في الشكل

منترك الخليط يغلي شي 10 دقائق مو أكتر ليتعقدلو شوي

بعدها منسقط الخبزات بالطنجرة

ومنحرك منيح ومننوس الغاز تحتون ومنتركون حوالي عشر دقايق لتتعقد ويغب الخبز المي وتدبق على بعضا

وبهالأثناء منكون حطينا الطواي عالنار وحطينا معلقتين سمنة وحميناها ومنحط الثومات فوقن ومنقلب لحتى يحمرو

بعد 10 دقايق بتكون الحراء اصبعو استوت فمنصبها بجاط التقديم ومنقليها بالسمنة والثوم

بتصير بهالشكل

تقدم الحراء أصبعو مع البندورة والبصل والخيار والمخلل