-*™£ منتدى آل شراحيل بفيفاء£™*- - عرض مشاركة واحدة

12-12-2011, 10:17 AM

يابو عيونٍ سود وأوساع نعاس
يللي على الخفرات فيك القياده

يابو حجاجٍ أسود كما عكف الأقواس
سم الخطر في رمش عينه عداده

سبحان من سواك زايد على الناس
عقل وجمال وذوق عندك زياده

تاج الجمال اللي رفعته على الراس
تستاهله مختوم لك بالشهاده

مليك ملك الزين من بد الأجناس
وغيرك فلالي فيه شفٍ وراده

حبك بقلبي صار مبني على ساس
مايهدمه يازين هرج الزهاده

والله لو سافرت لندن وتكساس
ما أنساك لو قلبي تحول رماده

مادام وصلك حال من دونه الياس
رزقي على اللي ما يضيع عباده

سافر فمان الله ياظبي الأطعاس
الله يسهل لك طريق السعاده

وأنا بعدك أقضي نومي هوجاس
والدمع من عيني يكض الوساده

ساهر وكن القلب يشذب بالأمواس
وطرفي تحرم من لذايذ رقاده

أرجوك ترسل لي علومك بقرطاس
وفي غيبتك بأصبر لوقت النكاده

قالوا مريض وقلت من غير مقياس
والمبتلي مثلي تحرق فؤاده

راع الهوى دايم صبور وحساس
صابر على جور الهوى مع جهاده

قالوا تعالج يمكن تزول الأتعاس
يشرح لك الدكتور وصفة عياده

الناس مايدرون عن خافي الأنفاس
كلٍ يقرر نهج حسب أعتقاده

وأنا داي ودواي من جملة الناس
أدواي مع لابس خفيف القلاده

بو جسم يزهنه خفيفات الألباس
وأبو شعرٍ خمري يظلم سواده

وصلاة ربي عد ماهب نسناس
على منير الحق والشرك أباده

ممااعجبني وراق لي اتمنى ان تعجبكم
دمتم بخير جميعا