-*™£ منتدى آل شراحيل بفيفاء£™*- - عرض مشاركة واحدة - (نعم) بَعْدِكْ وحيد(وطبع عيني) ماتشوف النـاس ..!!

12-30-2011, 01:39 PM

رحل حلو المنام وما طرق باب الجفـون انعـاس
نسيت النوم بعدك والسهـر يستوطـن اجفانـي

وحَكَتْ عين الغرام وسال دمع الحبر بالقرطـاس
يسولف عن غيابـك يالخفـوق اللـي تناسانـي

أقول امحاك يكتبك الشعـور بدفتـر الإحسـاس
واقول انساك لكن مايغيب اسمك من الـ سانـي

رحلتي ليه وانتي للجسـد روح(ن) تفيـض انفـاس
رحلتي ليـه وانتـي ربعـي وناسـي وخلاّنـي

وحشتيني كثير وذبت شوق الـ سودك الـ نعّاس
وانا من يوم غبتـي ماسقـى الهتّـان ريضانـي

تهيجن لك جروحي والشعور المغتـرب عسّـاس
وَلاَ بان الربيع وماتـت مـن الجـدب قطعانـي

وربي من رحلتي وانقطع جذر الوصـل بالفـاس
هرج ليل العذاب وصاحبـي ضيقـي وحرمانـي

(نعم) بَعْدِكْ وحيد(وطبع عيني) ماتشوف النـاس
(نَعَمْ)(بَعْدِكْ) غريب وموطنـي ترسانـة احزانـي

(نعم) بعدك جريح (تَعْبَثْ) بـ فكري يَدْ الواسواس
بليـل(ن) فيـه همّـي يفتـرش طراحـة اشجانـي

يِسَرِّيْنـي لِوَجْهـك والـدروب الهـمّ الهوجـاس
وفيها اطرد خيالك والوهـم لـه صـوت نادانـي

تسافر بي عيونك يوم تسرقنـي مـن الجـلاّس
وتكتبني غرام وترجـع مـن الشـوق تقرانـي

وانا الطفل الفقير اللي رسم وجهك على الكـراس
رصيدي صدق حب(ن) يجري ابْـ دمـي وشريانـي

فقير المال (لكن ) كُنْت / مُرهف/عاطفي/حَسّاس
ثري جـداً بمخـزون الشعـور وقلبـي الحانـي

عطيتك مـن كنـوزي دون تحديـد وبلامقيـاس
من البحـر الغزيـز وقلـت ذا درّي ومرجانـي

زرعتك من صباي وكنتي النبتـه وانـا الغـرّاس
أساقيك الغـرام وينهمـر لـك مـزن وجدانـي

وكُبَرْتي بالفؤاد وما افترق غصنك عن النسنـاس
وِمشت معنا الظروف ونَسْمِتِكْ تستعذب اغصانـي

وبِدَتْ وردة جمالك تَزْدِهِرْ ويِغِيْـر عقـد المـاس
من الخصر الرهيف ان ميلته الريـح واغرانـي

معي كنتي قريبـه مثـل عينيـنٍ بهـذا الـراس
وانا استوطن عيونك مامعاي من البشـر ثانـي

كذا كنت الْمُرَفّه قبل ما اشرب لوعتـي بالكـاس
قبل (جُرْم) الوداع وقصّة المجنـي مـع الجانـي

لو ايعوّض غيابك ياذهب بيض السنيـن انحـاس
ماكان الورد ماتت بسمتـه فـي ثغـر بستانـي

(تركتي لي غلاك)( وجرح فرقاك) وخيوط الياس
وتركتينـي شماتـه تتضـح بعيـون عـدوانـي

.
.

لامست احساسي