-*™£ منتدى آل شراحيل بفيفاء£™*- - عرض مشاركة واحدة - ترى بعض الصراحة جرح , وثقل , ونرفزة, وأعصاب

01-25-2012, 03:39 AM

أنـا زعـلان منـك حيـل وشايـل لـك بقلـبـي عـتـاب
وأتـمـنـى تحمـلـنـي مـثــل مـــا أتـحـمـل عـتـابــك

ترى بعض الصراحة جرح , وثقل , ونرفزة , وأعصاب
أبـي تسمـع كلامـي زيـن وتـمســك زيـن أعصـابـك

تعاهـدنـا أنــا وأنـتـه عـلـى إنـــا نـكــون أحـبــاب
وأحبـابـك هــم أحبـابـي وأحبـابـي هـــم أحـبـابـك

وش اللــي غـيـرك فجـأه تكـلـم واذكــر الأسـبــاب
أنـا بسمـع كـلامـك زيــن وبسـمـع زيــن أسبـابك

رغـم كـل الخطـاء منـك فوجهـك مـا قفـلـت الـبـاب
ويـوم أخطيـت فـي حقـك قفـلـت فوجـهـي أبوابـك

رخصـت الغالـي لعيونـك حنيـت لخـاطـرك أرقــاب
رضـيــت أحنـيـهـا أرقـابــي ولا تحنـيـهـا أرقـابــك

كفايـه تمتحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك

ولا تفكر في يـوم أنسـاك أو يشغلنـي عنـك غيـاب
أنــا أتنفـسـك , أهــواك , وفـيــك أمـــوت وأحـيـابـك

أنـا مـا شـوف أحـد غيـرك جمـيـل بفـتـنـتـه جــذاب
أنـا اعجـابـي فيـك أعمـى يفـوق اعجـاب اعجـابـك

أنـا مهـمـا قـسـى قلـبـي بكلـمـة مـنـك أحـسـه ذاب
أنا من زود عشقـي لـك عشقـت العطـر فـي ثيابـك

أنـا ياليـت مـغـرم فـيـك أنــا كـلـي فغـرامـك شــاب
أحـسـك جــزء مــن روحــي ولا أتـحـمـل غـيـابـك

ولا قد طـاب لـي جرحـك ولـو جرحـي لذاتـك طـاب
عجـزت أقـدر أشـوف الدمـع بـل أطـراف أهـدابـك

ولـكـن كـــل شـــي إلا جـــزاة الـصــد بالـتـرحـاب
إذا صـديــت تـرحـابـي تـــرى بــاصــد تـرحـابــك

ولانـي مرتـضـي ذلــي ولــو كــان الـهـواء غــلاب
إذا مـاكـان تـرضـا بـي حـشـاء لا يمكـن أرضـا بـك

ولأنــي قــادر اتحـمـل عشـانـك غـرسـت الأنـيـاب
أنـا كـلـي غــدى مـجـروح مــن غـرسـات أنيـابـك

تجافيـنـي ولا هـمـك ولا تحـسـب لــي أي حـسـاب
وأنا من زود عشقي لك أصونك وأحسـب حسابـك

ألآ يـا قـسـوة الصـدمـه تجـيـنـي مـنــك الأصــواب
وانا اللي كنت أقول الجـرح إذا مـا صابنـي صابـك

أمـانــه قـــول وش بـقـيّـت لـلـعــذال والأغــــراب
إذا هــذا مـعـي طبـعـك اجــل وش حــال أغـرابــك

تـمـرد كــان يحـلـى لــك تعـيـب فطيبـتـي وتغـتـاب
ولكـنـي تــراي أكـبــر مـــن أنـــي يـــوم أغـتـابـك

حقيـقـه أكتشـفـت أنــك سخـيـف بطبـعـك الـكـذاب
وأنـي كـنـت لــك لعـبـة سخيـفـة تـشـبـه ألـعـابـك

أنـا عيبـي غبـي طـيـب وضـنـي فـيـك والله خــاب
ولا قـــد كـنــت أتـوقــع تـجـافـي يـــوم أصـحـابـك

أنا جيتك بطيب الطيب وفيـك الطيـب أبـد مـا جـاب
أبـي تعذرنـي هـا القـسـوة لأن الطـيـب مــا جـابـك

مما راق لي.