بسم الله الرحمن الرحيم

حقيقة لا ادري من اين أبدا فقد صدمت اليوم بقصه عايشتها واقعا شخصيا حيث تأكدت تماما باننا لازلنا في الخلف

او راجعين للخلف والناس تتقدم . انا بأحكي القصه وانتم احكمو بأنفسكم.

انا من سكان العاصمه الرياض ونحن الآن في رمضان (يعني اجازه عن الدراسه) لدي بعض الزملاء يدرسون

ترم صيفي كلمت احدهم بالأمس قلت وشرايك نطلع نتمشى لي مده ما شفتك. قال اوكي مريته بسيارتي لقيت

معه واحد من اصحابنا ايضا . قالو وش رايك نروح اي كوفي شوب في شارع التحليه قلت تمام. واحنا ماشين

في امان الله لقينا نقطة تفتيش في أول الشارع طلبو مني الرخصه الاستماره وبطايقنا الثلاثه فجأه قالو لزميلي

اللي راكب قدام انزل انا قلت يمكن مو رابط حزام الأمان لكن طلع رابط الحزام سألت العسكري قال لأنه لابس

بدله . حقيقه انا انصدمت وما زلت منصدم الى الآن من هذا الموضوع . رحت وقفت السياره على جمب

نزلت لقيتهم مركبينه في الجيب . قلت للعسكري ليش يا خي يمكن في غلط والا شي( لأني انا باقي ما

استوعبت الكارثه) قال لأنه مو لابس الزي السعودي اذا لبس الزي السعودي يطلع من القسم. انصدمت

وبغى يجيني مشكله في القلب والمخ يوم سمعت هذي الفضيحه اللي يقولها وانا رح اوضح لكم اسباب

اعتباري للموضوع انه فضيحه وفق نظرتي الشخصيه.

1- النبي محمد صلى الله عليه وسلم لم اسمع له اي حديث يقول انه يجب على الشخص ان يلبس لبس البلد والا

يجب معاقبته حيث امر بتغطية العوره من السره الى الركبه فقط.

2- المملكه العربيه السعوديه دوله كبيره تختلف فيها الثقافات وطريقة اللبس من مكان لمكان ولا اعتقد انه

من المصلحه توحيد اللبس لأن هذا مضاد للتعدديه والتنوع (تخلف).

3- انا كنت لابس ثوب ولست معارض للبس الثوب بالعكس من المؤيدين للالتزام والاعتزاز بالعادات والتقاليد

الحميده وزي البلد الأصلي .لكن انا ضد ان يكون فشل المجتمع في اقناع الشباب بالالتزام بالثقافه واللبس

الاصلي ذريعة لاجبار الشباب على ارتداء وموافقة افكارهم وآرائهم ويا خوفي يجي اليوم اللي يمل الشاب

السعودي من المهازل اللتي تحدث فيضطر للانتقال لأوروبا للعيش فيها.