حطيت جوالي على الصامت
ظنيت إنه بيزعجني بإتصالاته
قلت أنام وأصحى واشوف المكالمات والوارد
وأتغلى عليه واشوف لي مراضاته
لكن الحبيب طلع حاطني بالهامش
وكاتبني للأسف صفر في سجلاته
وأنا اللي حبيته بموجب والسالب
وظنيت إني روحه وقلبه ودقاته
ياما اختلفنا وياما كسر لي الخاطر
وياما وياما محيت له كل زلاته
لكن بقولها والقلب علي شاهد
ولازالت ترن في الإذن كلماته
الحب مات ولا هو باقي ولا خالد
في زمن الكذب والغدر وملحقاته
وماعاد تفرق يزعل او يسامح
ولاعاد يفرق وجوده من مماته
ودعته اليوم والقلب شاد وراحل
ودونتها في عمري بسود صفحاته .. !