-*™£ منتدى آل شراحيل بفيفاء£™*- - عرض مشاركة واحدة

02-07-2012, 04:06 PM

ماني أناني وطماع...

يا بنت أنا ماني .. أناني وطماع
ولاني فقير أرضى بكنز القناعه
أنا السما.. واللي رفعني عن القاع
أني بري من بنات الجماعه
ما صاع قلبي في هواهن ولا انصاع
ما اني بمن تلوي كفوفه ذراعه
كم راودتني فاتنه زين واطباع
وكم كنت اقاوم.. باحتراف وبراعه
ما كن ربي خالق فيني اسماع
عن داء سحر الغيد عندي مناعه
قلبي كذا راضي على كل الاوضاع
حتى طلعتي له.. وبان ارتياعه
أي والله من دخلتيه مرتاع
على مدار.. اربع وعشرين ساعه
سارح أفكر كيف عمري كذا ضاع
لو ما طلعتي لي.. بتلت.. بضياعه
عقب المحل قلبي قلبتيه مرباع
وازريت اهدي لهفته.. واندفاعه
يا الذ واحلى من مشت فوق هالقاع
من يمتلك.. قلبك يعرف القناعه
تدرين ليه أقول ماني بطماع
صوتك عن الدنيا.. يكفي سماعه

اعجبتني....
مع أرق واعذب تحياتي
الحريصي...