لو للشتاء رحمه رحم عاري الناس...
ولـــو للوفا سلطه قتل خاينينه
ولو للشجر قدره على حامل الفاس
ماصرت تلقى بالبشر قاطعينه
ولو الغلا في كل الاحوال نـبراس
ماشفت كـِذّاب البشر فاقدينه
ولو الزمن وافي مع الناس مـاداس
روح الشباب وموّته في سنينه
ولو الذليل بمشيته رافع الـراس
تشوف ذلّه في مشاهدك عينه
ولو البشر في مـدّة اليد تنقـاس
ساد الكـريم وهالبشر تابعينه
ولو البخيل بزفرته يشـهر افـلاس
يموت وانفاسه بصدره سجينه
ولو للخطا في دربنا صوت واجـراس
ماشــفتنا فـي دربنا دايسيـنه
ولو الأماني تطرد الحزن واليـــاس
ماشفت بين الخلق نفس ٍ حـزينه
ولو السوالف تكشف انجاس الاجناس
ماصرت تشكي من رفــاقه غبينه
ولو السراب بشوفته يـروي انفــاس
مــاشفتنا فــي وقتنا لاعنينـــه
هذي أماني واحد ٍ عاشـر النــاس
أوفى لناس ،،، وشافهــم خاينينه
راقت لي لااكثر فنقلتها