تــــدري وش أسوّي الى أضناني الشـوق

أســــوي بعــــــيـوني كــذا وأتـــخيّـلـك
وأقـــــربّك واتـوق .. واتـوق .. واتـــوق

وأكثّــــــرك وأحـــــلـف مـا عــاد أقــلّـلـك
وأصوّرك في الموق .. وتكبر على الموق

وتطــيح مــع دمــــعي علـى ايــدي وأقبّلـك
هذا غـــــلاي اللـــــي مـع الـــدم مــــدقـوق

ولا عـــــــاد تــسأل عـن شعوري بزعّلـك
محبـة ماهيـب مـن طــــارف الــــــسـوق

لـــــــو انـك توكـل .. كـان والله لا آكلـك

جيتك حقـوق ورحـت ماعـــنـدي حقـــــوق

وان قــــلت مـا أحبـك أبـــــجحـد مواصلـك
أحبـك ؟ ألا يابـري حــــــــالـي وعــوق

من كـــــثـر ماحـــبـك أخـاف انـي أقــتلـك