صـــــــور ذاتــــي!!! ..

1 كتبـت الشعـر فــي بـالـي رســم عــن حالـتـي ألــوان
تـبـنـيـت الـمـعـانـي لــيــن صــــارت هـــــي تـبـنـانــي


2 علـى جرحـي ومـن جـرحـي أغـنـي كــان يـامـا كــان
عـن أيامـي عـن أحزانـي مـن الـلـي سـبّـب أحـزانـي


3 وإشـد القـاف مـن واقــع وانــا فــي واقـعـي حـيـران
وأسولف مـن ألـم جرحـي عـن المجنـي مـن الجانـي


4 وأصـــوّر مـــن معـانـاتـي حـــروفٍ مـالـهـا عـنــوان
وإثيـر المـوج مـن فيـض المشاعـر سجْـع بأشجانـي


5 وأسولف عن هواي إن جيت أبي لْو لو وأبي مرجان
لقـيـت إنــي خـذيـت الـلــي أبـيــه وصـــرت وجـدانــي


6 وإجـيـد الـمـوج فـيـه ولابـديـت الـعــوم بـــه غـرقــان
وفــي هــذا البـحـر مـاخـاب مـنـهـو راح لـــه عـانــي


7 إهـيـمـه دام هـــو راســـي وراســـي داخـلــه ربــــآن
وأخـافـه بــس جـيـت أرقــى لـمـوجـه يـــوم يـرقـانـي


8 عليه أنقضْ وفيه أْفتل شجونـي مـن صفـى الوجـدان
وإحـــس إنّـــه مـثــل حـلــمٍ لـقـيـتـه عــلــم يـغـشـانـي


9 إحـس إنّـه (صـور ذاتـي) وإحـس إنّـه هــو الإنـسـان
هـــو الْـهــم الـلــذي يـطــرد هـمـومـي يـــوم يلـقـانـي


10 وإحــس إنّــه هــو الفـنـان وأوّل مـــن رســـم فـنّــان
كـمـا الريـشـه رســم مـابـي هــو الأوّل وأنــا الثـانـي


11 وإحـبّــه دام يرسـمـنـي وانـــا لـــه عـاشــقٍ هـيـمـان
لـــهـــذا لاتـلـومــونــي لــيــامــن قـــلـــت فــنّــانـــي!!


الشاعر:سعودالسيف