تسأليني ...
تسأليني..
تسأليني وانتي ادرى في كياني
انك انتي مالكه قلبي أكيد
ايه اكيد وما يبليله شي ثاني
صدقيني صدقيني ما ازيد
انك انتي ساكنه وسط المحاني
في فؤادي نبض وبدمي وريد
كم أحبك واسألي بوح المعاني
في قصيدي يا بعد كل القصيد
في حضورك ما يهم اللي نساني
وفي غيابك هم وآهات ونهيد
اسألي لحظه من اللهفه حناني
واسألي قلبي عن الشوق الفريد
والله ان الشوق من شوقك يعاني
وربي اللي عالم والله شهيد
أنك انتي للأمل مصدر أماني
وانك انتي فرحتي في يوم عيد
للغلا أكتب من الفرحه أغاني
نزفها بوحي وله معنى جديد
انتي انتي شمعة العمر وزماني
مالكه قلبي من الوقت البعيد
ويشهد بصدقي على حبك لساني
انك انتي في حياتي من أريد
صدقيني بالغلا قلبي أناني
ما يبي غيري على حبك يزيد
والله اني أكتبك عشق الأماني
وارسمك صوره غلا عشق جديد
بس امانه أذكري نزف المعاني
في قصيدي يا بعد ذاك القصيد
الحريصي..
|