-*™£ منتدى آل شراحيل بفيفاء£™*- - عرض مشاركة واحدة

03-19-2012, 09:27 PM

مَادمـــــت تسوى عيوني يامعنيني
جمع محطات عمري لا تبعثرها

حبك يضخ بفؤادي مع شراييني
يعني لو اعطيك روحي لا تكاثرها

انت الموكل بها ماعاد يعنيني
والله لو احتجتها ماني بذاخرها

يا قبلة ايام واجمل سنيني
سعادتي في عيونك لا تصاغرها

تراك تقدر تضحكني وتبكيني
لو دمعتي ماتحدر وانت خابرها

تدري اليامن ذكرتك وش يجي فيني
اعيش حاله غريبه ما تصورها

اضحك واسولف بحبك بيني وبيني
وافتح رسايلك واقراها واكررها

واقول ليتك ليا ناديت توحيني
غيبتك شبت على قلبي سعايرها

محبتك عن جميع الخلق تكفيني
ياجعل ربي علينا ما يغيرها

احيان لا والله اترح من شياطيني
واذكر حركات منك ازريت افسرها

واقول ياهل مثل ما اغليك تغليني
والا المشاعر لجل غيري موفرها

وامسي وانا الهم يبعدني ويدنيني
تقول لي حاجة ضاعت وادورها

واليا ذكرت ان ماغيرك ملا عيني
اربط فرامل مشاريهي واقهقرها

واجر صوتي طرب مسحوب وهجيني
واصوغ فيك اجمل الابيات وانثرها

اطرب قصيده بشخصك من دواويني
يقال عنها تبيض وجه شاعرها

لكن تكفا طلبتك لا تخليني
والناس لا عاد تلعب في مشاعرها