فى بحر الهوى الهوى مشيت

على شواطىء كتير عديت

وعلى شاطىء جميل ورسيت

نسيت أسمة متهيألى أنة شاطىء .........

الكل كان

شىء بعيد بيصرخ من حولى ياااة أتغير مسار الهوى

فى لحظة

كنت أتمنى أشوف النور

حتى الصوت يا آسفى الشديد كان بعيد بعيد

أستسلمت لبحر الهوى

ومشيت مع الأمواج وبين الشواطىء

كنت بأصارع فى نفسى الأمواج بدون سماع لصوت أنسان

أنا كنت مستسلم وعارف حقيقة المكان

أتارى الدنيا لى بالمرصاد

بس أنا عنيد دة اللى أتعلمتة أكون مثل الجبال

حأرمى ورا ظهرى كل الواقع كان أو حتى خيال

وحأهرب منة

ما عرفت دة سحر ولا نصب ولا أحتيال

أفتكرتك يا أمى لو أنتى عايشة كنت حكيتلك

ربما دة حال الجميع

نضحك فى النهار ونبكى فى جوف الليل

هى مشاعر وبراكين

دنيا وفيها العجب

من حال لحال

وأنا عارف دوام الحال من المحال

أكتب ياقلمى وخليك غامض

ما تبقى زى اللسان

وممكن يا فلمى تبقى واحد وأثنين وثلاثة فى الخيال

وتسجل فى الخواطر أشكال

بس حتنسى القلوب ودمع العيون

بس كدة حأسميك لص ومحتال

دة أنت حبرك صافى وعمرة ماخان

وعمرك ماكنت قلم عايش بس فى الخيال

تحطم قلوب ولا عاوز تفضل زى غيرك يبقى حالك حال

حبرك مغشوش بس حاطط علية ألوان

أنا عارفك ياقلمى صادق

حتسمى دة كلة أية

حب ضاع مايهمك شى أكتب

ولا بسمة ولانسمة

ولا ضحك قلوب

عجبى