السلام عليكم
هنا اخواني سأقص عليكم مادار بيني انا واحد الاصدقاءعندما نوى ان يتزوج
ولكن كان طلبه للزواج بطريقه غريبه المهم اني دخلت على صاحبي هذا وقد
لقيته معبي ورقه بكلام كثير وسألته ماهي ذي الورقه وماهو ذاالهرج الباسل
فيها قال والله ياصاحبي انا قررت اتزوج بس مهي اي وحده اشاها قلت كيف يعني
قال الله يسلمك انا مجهز طلبي في هذي الورقه وابغى اشوف لي جريده انزله فيها
او اشوف لي واحد يحطه لي في العنترنت قلت طيب علمني ايش اللي في بالك قال
شوف يالحبيب انا ابغى اتزوج بس انا حطيت لي شروط وهي اني ابغالي واحده
تكون اما مديرة مدرسه او وكيله او مدرسه او على الاقل تكون مسجله بحافز قلت
ياولد شكلك داخل على طمع معاده جوازه وبس قال ايوه ياخي لازم تكون معاها دخل
شهري يساعدنا على المعيشه وزي منته عارف اليومين ذي الاسعار مولعه وكل شي
صار سعره دبل ويد وحده ماتصفق قلت له وليش مااخترت الا مدرسات بس مع انه
فيه بنات كثير دكتورات وممرضات وغيرهم قال لا ياحبيبي ما ابغى الا وحده تشتغل
في مجال التدريس بعيده على عن الاختلاط بالرجال قلت كيف قال ياخي الدكتوره
والممرضه تختلط بالرجال وتتكلم معاهم ويمكن يكون لها علاقات قلت ياخي اسمحلي
انت رجل متخلف ولاتفهم بالحياه شي اولا يا اخي الحرمه يحميها شرفها وأصلها
واللي بتدور للحاجات اللي على بالك بتلقاها وبتسوي اللي هي تبغاه سواء
مدرسه والا دكتوره والا عاطله وحتى المدرسه او المديره ياخي اذا قدها تبغى
تخونك بتخونك يمكن انت تنزلها عند باب المدرسه وتركب مع خويها بنفس الوقت
فمن الافضل ياخي انك تشيل هذي الافكار السودا من راسك ولا تقول انك ماتبغى
الا من منسوبات التدريس ترى البلد فيه كثير من العفيفات مدرسات ودكتورات
وممرضات ومو كل من تشتغل بمستشفى يعني انها ماتصلح وانها لها علاقات حرام
عليك الكلام وهذه الاتهامات الباطله ثانيا يا اخي لو كل واحد مننا قال
ماابغى من موظفات المستشفيات او ما ابغى اختي او زوجتي تشتغل بالمستشفيات
قولي بالله مين تبغاه يكشف على زوجاتنا وامهاتنا وبناتنا وخواتنا هل نترك
الرجال الاجانب هم من يكشفون عليهم ويكشفون عوراتهم وين راحت الغيره قاطعني
وقال بس بالله ارجوك لاتكمل والله ان كلامك كله صحيح يابوعبدالله خلاص انا بأرضى بأي
وحده تقبل تتزوجني بس زي ماقلت لك لازم تكون موظفه على شان راتبها يساعدنا
على المعيشه اللي ماتنطاق وانت عارف اني متقاعد وعمري الحين 41سنه ولا معي
الا التقاعد وراتب التقاعد معاد يكفي حتى طلبات المطبخ قلت له طيب بالله ورني
اللي انت كنت قد كتبته في ورقتك قال تفضل اقراها بس لاتضحك لاني خلاص نويت
اقطعهاوبغير الصيغه بعد ماسمعت منك هذا الكلام قلت هات اشوف واخذ الورقه
واقرى اللي فيها شوفو بالله ايش هو كاتب فيها
العنوان اعلان عن طلب زواج
انا رجل ابلغ من العمر 41 سنه ارمل ليس لدي اولاد متقاعد من الجيش بعد
خدمه 21سنه قضيت معضمها في الشمال ارغب الزواج
بالشروط التاليه :
اولا ان تكون مديرة مدرسه او وكيله او مدرسه او على الاقل تكون مسجله بحافز
وان كان لديها بيت ملك يكون احسن
فمن تتوفر فيهاهذه الشروط ارسال سيرتها الذاتيه على العنوان التالي
hosinmosfer@dogom
بعدها ضحكت حتى كنت بموت وخصوصا على بريده الالكتروني

اخواني الهدف من هذا الموضوع وهذا الحوار هو ان لانتهم موظفات المستشفيات او نظن بهن السوء وكل واحد منا
يقول انا ما ابغى اتزوج موظفة مستشفى لكونها تختلط بالرجال وان لو كل منا رفض ان زوجته او اخته تشتغل في هذا
المجال لما وجدنا من تكشف على نساءنا لا ويجي الواحد للمستشفى ويقول مايبغى الا دكتوره تكشف على زوجته
او ممرضه تعطيها الابر

كلامي صح والا لا