غلاااك اكبر من الدنيا وكل سااعه تمر يكبر ,,,



تعال الشوق يذبحني تعال الشوق لك ولهان

تعال الدمعة مجروحه على خد السهر تعبر

تعال و شوف بعيونك على وجهي صدى الحرمان

على وجه الهوى الباكي ملامح غربتي تكبر

ابيك تعانق أحلامي و تمسح دمعة الحيران

تضم الشوق بيدينك و تداوي جرحي لو تقدر

ابحكيلك عن أيامي و رداته حظي الخوان

اببكي لين ما يبقى بعيني دمعتن تذكر

ابيك تطمن القلب إلي من دنياه جد تعبان

تسلي وحدتي و الليل إذا تسمح معي تسهر

ابفتح دفتر أشعاري و اغنيلك شعر و الحان

بيوتن جلتها لأجلك عذوبه حروفها تقطر

أحبك و الغلا لجلك على كف الهوى سهران

أحبك كثر نجم الليل و كثر الشوق لك و أكثر

كثر ما بالقلوب هموم كثر ما بالشجر اغصان

كثر ما لهفة عيوني على فرقاك ما تصبر

بزنزانة غلاك القلب سجين و حبك السجان

بداخل خافقي اسمك حبيبي بالغلا مسطر

فلا و الله يا خلي يوصل مركزك انسان

غلاك أكبر من الدنيا و كل ساعة تمر يكبر


مما لامس الاحساس

بـنـت الـنــور