هذي قصة حصلت لي مع احد الاصدقاء

كنت في احد الاسواق وقد رغبت في شراء شئ اعجبني وكان المبلغ الذي بحوزني
لايكفي لقيمته وبطاقة الصراف قد تركتها في البيت فقلت مالي الا اني اتصل بأحد
الاصدقاء ليسعفني بالمبلغ وفعلا اتصلت بصديقي وقلت له انا في المكان الفلاني واحتاج
700 ريال ضروري قال ابشر بعزك ساعه واحده وانا عندك بالمبلغ قلت تمام انا منتظرك
المهم مرت الساعه وهو باقي ماجاني انتظرت عشر دقايق واتصلت عليه لقيت جواله
مقفل وكل شوي ادق احصل جواله مقفل المهم اني طفشت وحسيت ان صاحبي سحب
عليه وقفل جواله يوم مرت اكثر من نص ساعه تقريبا والجوال مقفل قلت ارسل له بيتين
شعر يمكن انه محول جواله على خدمة موجود وكانت بيتين قاسيه قلت فيها

فك التحويل ياصاحبي وكلم من الجوال
ماعاد ابغى منك شي ياكاذب بالوعد
للاسف كنت احسب اني نخيت لي رجال
طلعت ماتستاهل يعتمد عليك اية احد

ويوم ارسلت الرساله ماجاني تقرير الاستلام

وبعد ربع ساعه دق عليه من نفس الرقم


واثناء ما انا اسأله وين انت ؟؟

جاني تقرير الاستلام

قال لي : لحظه جاتني رساله خلني اشوف من من هي .. وقرا الابيات

تخيلو بالله ايش كان رده

7


7




7




7




7


7






ورد عليه وقال : الله يسامحك .. قسم بالله ما قفلت جوالي الا اني رحت ابيعه

وشريت غيره رخيص على شان أكمل لك المبلغ وأجيك

يأشين العجله

عندها تلعثمت ولا عاد عرفت ايش اقول وقسم انها خنقتني العبره اولا لاني استعجلت
وثانيا لاني اسئت الظن بصديقي

لذا ارجوكم لا احد يسوي مثل سواتي

والمثل يقول فالغايب حجته معاه حتى يعود