كل شخصٍ له بهالدنيا مرام
وكل شخص له من الأشياء ذوق .
. بالجمال وبالطعام والكلام
ينهج الإنسان ماحسه يلوق .
. والجمال أشكال ما بين الأنام
أجمله بعيون خل ٍ له شفوق .
. وكل عاشق مولع بدرب الغرام
شاف خله فوق كل الناس فوق .
. بالجمال اللي توسط بالقوام
غصن بان ٍ راوية سيل ٍ دفوق .
. خصرها عن صدرها قوس السهام
والجمال معزل أقسامه حقوق .
. وبالجمال اللي كسا ظهره ظلام
من حرير ٍ مايج ٍ هل ٍ طفوق .
. لا تداعب بالهبايب والنسام
أنطلق في لمعةٍ مثل البر وق .
. وارتّما عقب انطلاقة بنسجام
مثل ما ليل ٍ رسا فوق الشفوق .
. وبالجمال الي لها عيون الريام
أو عيون الحر في عالي الشهوق .
. والحواجب فوق عينه كالحسام
والرموش سهام من قوس طلوق .
. نظرته فيها المنايا والسلام
والظلام يحاوطة وأخره موق .
. وبالجمال اللي خدوده ورد شام
صافي ٍ من الخجل نادي عروق .
. لادنا منه الشعر بدر التمام
حاوطه ليل الشعر في سحر طوق .
. وبالجمال اللي لها وصف ابتسام
جمر يخفي الثلج ورياق الرحوق .
. فرط رمان ٍ علاج ٍ للسقام
ون تبسم تبتري كل الحروق .
. والنحر نوره بهي ٍ للدوام
منتصب يزهى على كل العنوق .
. وبالجمال اللي له أخلاق ٍ كرام
طبعها من نبعها وافي صدوق .
. به تواضع ام ٍ وهيبة أمام
وبه ليونة قلب وصعبة لحوق .
. صمتها تعبير وهروجه هيام
وبتعاده ليل وقدومه شروق .
. صدها عن ودها منها اهتمام
من نقاوتها تعوق النفس عوق .
. من أدبها تنظر بكل احترام
حرةٍ من حرةٍ عربا عروق .
. لا دنت حل الأمل قربه مقام
في خطاياها تسوق الفرح سوق .
. من نظرها ما سلاها ألف عام
كل ما صد النظر طيفه سبوق .
. يذكره وسط السمر وسط المنام
له رسوم ٍ ترتسم كله وثوق .
. ذي صفات اللي لها فيني غرام
له بجوفي حبٍ شوق وذوق ٍ .
. ياخذ الأشواق له طير الحمام
من خفوق ٍ ما يبقوق العهد بوق .
. أقسم أنه هي غرامي والمرام
وكل شخص ٍله من العشاق ذوق .