ظلمه ليالي موحشه وهم وفراق
ودفتر خواطر شالته في يديــها
طفله صغيره تشتكي حر الأشواق
تكبر بعيده عن حضن والديها

كل الأ ماني عندها لحظه عناق
بيـدين أمٍ حانيه تحتويـها
طفله وبلل خدها دمع حراق
تحلم بساعات الفرح لو تجيها

شمس السعاده ماتبين لهااشراق
ولا فكرت حتى دقايق تجيها
يا كيف صارت دمعة البنت تنطاق
وشلون تحزن دون لاحدن يجيها

طفله وسطر دمعها بيض الأوراق
نيران شبت في الحشا تكتويها
تصرخ وتكتم صوتها وسط الأعماق
وظلم القرايب في تزايد عليها

ياالله عجل بالفرج وافتح آفاق
وارحم صغيرة ساكن الهم فيها