حبيبي تعال ..
صارحني وعلمني وشفيك ..
إن كنت زعلان أرضيك ..
وإن كنت متضايق أسليك ..
وإن كنت طالب حق أبي أعطيك ..
وإن كنت محتاج الوفاء أوفيك ..
وإن كنت شايل بخاطرك شيء بقول الله يشفيك ..
يا أخي .. ناصحني وقولي ترى فيك وفيك ..
وترى قلبي واسع ولا ني باحقد عليك ..
وان كان قصدك تتغلا وحنا ندور عليك ..
شيلها من بالك ولا ني شاغل بالي فيك ..
أبنساك وأقول الله يهديك ..
وبقول كنت طيب ودايم أثني عليك ..
ولكن حكم القدر والهوى طغى عليك ..
لا تتغلى علي بعدما وثقت فيك ..
وين اتصالك ورسالتك اللي تذكرني فيك ..
تجاهلتها ونسيت أن لك صديق يغليك ..
لا تقول نسيتك أو متغلي عليك ..
ما هو من طبعي ولا أبيه يلتصق فيك ..
إن زرتني تلاقي اللي يسرك ويرضيك ..
اللي تبيه اطلبه وبقول يا لبيك ..
ترى حبيتك يوم إني تعرفت عليك ..
وزاد حبي يوم إني اكتشفت فيك ..
الوفاء والصفاء وقولك ما ني بناسيك ..
وختام خاطرتي ..
طلب مني كتبته وباعطيك ..
والجواب عندك وحله بيديك ..
دير بالك على حالك وبر بوالديك ..
وقبلة وفاء تذكرني فيك ..
وضمة شوق تطمني عليك ..
وأسأل الله أن يوفقك ويحميك ..
ويرزقك بنت الحلال اللي تعفك وترضيك ..
ويجعلك فاعل المعروف للبعيد وللقريب واللي حواليك ..
حبيبي لا تعاتبني على اللي كتبته فيك ..
مكانك في القلب والأضلاع تحميك ..
واعتذر إن كان كلامي زعلك أو أثر عليك ..
ولكن خاطرة دارة في بالي وقلتها فيك ..