رد: موضـوعـ المـلـيـونـ رد ..... هيا نبدأ ابي تفاعل مع الموضوع يا عابرسبيل.
طلة البدر..
طاب ليلي وانت يا فكري تولم
هات لي شعر يشابهني فخامه
خصص الموضوع والا اقول عمم
والادب لو قل ما قل احترامه
تونا نقرا ونسعى ونتعلم
نسرج خيول الأمل طيب وشهامه
لو يهد الوقت حيلي ما اتألم
ينتهي عمري ولا ارخص كرامه
بس خل الريح لو ساعه تكرم
تطرد الاحزان وتزيح الغمامه
بتذكر طلة البدر المتمم
زارني طيفه وداهمني هيامه
انت ياللي في شعر راسك تلثم
وفي عيونك ركز الرامي سهامه
حاكني طاح الحطب بالله تبسم
يا عزيزي المشتاق تكفيه ابتسامه
مر عابر عاث في قلبي وبصم
قال باكر تخضع الايام هامه
قلت عطني قال هاك الصبر علقم
وش عطيت القلب يا غاية مرامه
قلت لحظه لكن المجنون عزم
يا خلي القلب من وين السلامه
الله اكبر صرت في قلبي تحكم
كل ما حنيت لك تكتب غرامه
من يرمم قلب من فعلك تهدم
من يلملم روح يقتلها انقسامه
جيت زاير تفرض وجودك تهجم
جيت تسقي شاعرك نخب الندامه
راح مثل النوم في صمته تلثم
موكبه يشرح تعاليه ومقامه
ودعني وقفى وصلى الله وسلم
وانتهى حلمي على صوت الاقامه
الحريصي..
|