أحب انا الجزل وأعشق نحت مكتوبه
واغوص في قاع بحرٍ تذهل أمواجـه

^^
وأصخر القاف لجل الشعر وشعوبـه
وأقطف من أشعار فكري قمة إنتاجه

^^
وأنحت جزيل القوافي لجل محبوبـه
وأدوج في خايعٍ غيري فـلا داجـه

^^
واسير في درب طرقٍ تعجب دروبه
ومافيه عجزٍ ولا صعبٍ سوى حاجه

^^
الوقت شين وزماني كثرت حروبـه
وأصبحت مثل السجين معقد افراجـه

^^
يقضي سنينه يحاكي فكـرة هروبـه
همه كبيـر وزمانـه ضايـعٍ تاجـه

^^
مايدري أن السعاده ماتجـي صوبـه
قدْ سجّل أن التعاسه داخـل أدراجـه

^^
محبوبـه الهـم والتشريـد محبوبـه
والضيم دمه وحزنه يطفي اسراجـه

^^
بسمة ضميره وضحكة بال مسلوبـه
ودمعة عيونه على الخديـن دواجـه

^^
وش حيلته لابغى الضميان مشروبـه
وحطو له الحزن والدمعات وسياجـه

^^
والهم والغم دايـم عكـس مطلوبـه
وأحزان كل الخلايق في ثرى حجاجه

^^
حالي كما حالة المسجـون منكوبـه
يافرحة العمر دنّي وقـت مخراجـه

^^
سبة عزوفي ولفت الحزن وخطوبـه
والحظ هافي وبسمـه دوم منعاجـه

.
.
.