ليه مِنْ أجْلْ المَصَالِحْ نِشْتَهِي حُبْ الظُهُور



لِيه مِنْ أجْلْ المَصَالِحْ نِشْتَهِي حُبْ الظُهُور

ماتعلّمنا نكون اقسى من أشباه البشر
لوتعلّمنا عرفنا كيف هـ الدنيا تدور


القلوب الممكنه تنبض حسافات وقهر
والقلـوب المستحيله ماتعيش الاّ تبور

ليه هالعالم يموووت الف مره يابشـر
يوم حسد ويوم بغض ويوم كره ويوم زور

ليه مانقدر نسامح من غلط أو نعتذر
ليه اكثرنا يجرّح في بعضنا بْكـل سرور

ليه مانسعى الـى حل النزاع المنتظر
ليه من أجل المصالح نشتهي حب الظهور

هي حكايتنا حكايه او حكايتنا قدر
هو قدرنا هو قدرنا او تعوّدنا نثـور

ليه يسبقنا الحديث مانفكّر بالأمر
نستمر بكل قسوه اتّأزم هـ الأمـور

يابني آدم كبير الظلم وأوهامك أمَر
اخلص النيّه وجمّل كلمتك بيـن الحضور

باكر تْغيب الليالي عن ملذات العمـر
وانت غارق في ظنونك ماتعديت الشرور

كف حواء لو تمده لك يومين وشهر
يمكن تكون الصديقه والاّ الاخت الغيور

كلنا كنّا ملامح ناس من غيـر الشعر
أو شعر يرسم ملامح غير عن كل الحضور

كلنا كنّا ضحيّة حلم ظالم ماقـدر
يصدق بكل المعاني حلم مايملك شعور

ماتعودنا نصارح في سوالفنا ونقِر
نعتقد مُمكن بأن اللي يصارحنا يجـور

فينا واحد كان قاسي وفينا واحد ماشعَر
فينا من خان المآآآسي وفينا من خان الشعور


فينا من يحلم يطييييير فوق اغصان الشجر
وفينا من يغتال ضحكة طفل بـ احلام الطيور

فينا من يشهق حنينه بين روحه و النظر
وفينا من يعجز يقول كلمه مابين السطور

فينا من يشعر بـ قيمة نفس اغناها الفقر
وفينا من يدفن وجوده بين اشلاء القصور

كم فينا !! ماعرفنا وكم نحتاج لـ صَور
.. كم حنّا !! مافهمنا كم حطّمنا الغـرور

هذا حنّا كل منّآ مافهم حكم القدر
والنصيب اللـي يودّينآ الى درب القبور

بس لايمكن نكون اقسى من أشباه البشر
لوشربنا من قساها باكـر الدنيا تدور




مما لامس احساسي في هذه اللحظة

بـنـت الـنـور