حبــنــا عـــذري



حبــنــا عـــذري

كل ماشفت الخزامى يحركها الأثير
حركت فيني المشاعر بريح أنسامها

وكل ماغرد حمامٍٍ على جال الغدير
زاد فيني الشوق والنفس زاد هيامها


للعيون السود والخدوالشعر الحرير
خشف ريمٍ تاخذ العقل في هندامها

بنت شيخ له مقامه على الشيخه جدير
صلب قوم ٍ في المعالي ترز اعلامها

ياهل الحي اليماني من البيت الكبير
بلغوها إني تمنيت بعض ارقامها

أتطمن كيف لحوال صارت والمصير
بعد مامرت سنين تصيب اسهامها

أشهد ان فرقاه تكوي على الضلع القصير
راحت سنين العمر مابرد ميسامها

حبنا عذري من اليوم لول للأخير
لو لمست كفوفها وجيت عند لثامها

وافي وآخاف ربي وتأنيب الضمير
أحشمها حشمه المسلمه ب احرامها

ياعذابي كل مارحت صوبك ياعسير
ادري ان شمس المحبه تغيب احلامها

مما لامس احساسي


بـنـت الـنـور