موضوعي يمكن سبقني فيه الكثير وتكلم عنه البعيد والقريب وهو موضوع (( العنوسه )) وأسبابها ...


أتكلم وأن كلي عجب من هالناس اللي تقعد بناتها بالبيوت بحجة تكمل دراستها وإلا إنها موظفه يبي يأخذ راتبها والله حرام أنا سمعت قصه أبكتني ويمكن إنكم سمعتوها لبنت جميله جداً ولكن حظها مو زين اللي كانت بنت هالشايب اللي خلاها تشيب وما زوجها يا ويله من ربه ..


القصه بدت يوم إنها توظفت ويروح هو وإياها لشركة عبداللطيف جميل ويشتري جيب لاندكروزر vxr على ظهرها ويحملها الدين قالت مو مشكله أبوي ويستاهل ...


وجوها الخواطيب للبيت الى أن ملو ما يبي يزوجها على شان راتبها آخر الشهر تجيبه له
...


وبعد ما كمل عمرها حول الـ 40 سنه وجاة أبوها الوفاه قال لها سامحيني يا بنيتي قالت (( الله لا يسامحك )) ...



صاحباتي صرن (( جدات )) وأنا للحين عندك حرمتني من أقل شي تتمناه كل بنت وهو الولد والزوج روح الله يحرمك مثل ما حرمتني وماني مسامحتك ..



قصه واقعيه انا سامعها من أحد المشايخ قالها لنا ...



لا نخفي على بعضنا هالمشكله موجوده بيننا لكن الى متى ؟؟



حرام أكثر من مليون عانس بالسعوديه ليش ؟؟



أتمنى ان أجد أرائكم حول هذا الموضوع ...



لكم مني أجمل تحيه ...