اليكِ
جيت اسوق الشعر يمك لاجل ابيلك غلاك
مالقيت اللي يجمل حضرتك لو كلمتيـن
كنت اظن اني ملكته لين شفته ماقـواك
لعنبو جد القوافي لاخذلت فكـر الذهيـن
كنت اظن اني لحالي من تولع في حـلاك
لين شفت الناس حولك مالها غير الونين
قلت اجي من كل عالي كني اللي مابغـاك
مالقيت إلا خضوع يكسر ضلوع ا لسنين
اه ياعجز الهواوي ماملكـت إلا مسـاك
اسهره وحدي واخايل جيتك في كل حين
لانخيت العين ولت تنظر لفـوق و وراك
عاجزه حتى عيوني تظهر الحب الدفيـن
البلا حتى السوالف افتقدها فـي لقـاك
ون تطورت بكلامي قمت أشر باليديـن
السؤال اللي جرحني ليه انا خايف هواك
والجواب اللي ذبحني انك لوصلي تعيـن
ادري انك تهتويني لكن الله قـد بـلاك
في حبيببً لو سألته ماجمعلـك كلمتيـن