احيان
تحاول قدر المستطاع ..
انك تغير كل شي داخلك .. كل شي حولك .. كل شي ( فيك )
تحاول على المستحيل انك تطوله .. وتغير كــل شي فيك
لجل الدنيا تضحك لك .. وتصبح سعيد .. وتنولد من جديد
عشان العمر الي راح .. يلقى نفسه من جديد .. وثوبه جديد
تحاول .. تثابر .. تجتهد
عشان انك في لحظه من اللحظات
( التقيــت انسان )
مثل البشر هذي
فيه الحواس الخمس .. داخله احساس ومشاعر
يمكن ماهو اجمل الناس حولك .. ويمكن غيره كثير .. يفوق روعه وحلاه
بس داخل قلبك وعينك تشوفه
(( اجمل ماخلق ربي .. ورمشه يسوى كل البنات ))
تحس قبله وبعده .. مانخلق واحد ياخذ اكبر مكانه في وسط قلبك
وتكتشف مع الايام .. انه خذا القلب كله
تبغي ترضيه بكل شي .. تزعل العالم .. تهون الناس .. وهذا الي ارضيه بحياتي
دامه حياتي
تلقى نفسك مع ايامه .. اجمل رجال الكون
تمشي في السوق الكبير .. والي يدور في خاطرك
(( لو يلبس الثوب الاحمر .. يخبل عليه .. تروح وتشتريه ))
تلقى انك تحس بلذة شعور وانت تختار الي لايق عليه .. يكفيك الشعور وانت تختار الي قدامك
(( له ))
لو تمشي في مكان حولك الدنيا كلهم بنات !! .. وسندريلا .. وحور العين
من حبه في قلبك .. تحس الدنيا من حولك ( هو )
يالله على هذا الشعور يوم انك توصله ..
قمه على قمه