لاتسألوني عن سبب ضيقة البال
مبطي وانا ماذقت طعم السعاده


ظروف خلت حالتي ماهي بحال
كافحت ليما مابقت بي اراده



بنيت لي في عالم الصبر تمثال
وباد الزمن تمثال صبري اباده



حاولت اوسع خاطري بلعب الاطفال
وكل ماسليت شوي ضاقت زياده



لو المشاكل حلها الدمع لاسال
استغفر الله صار دمعي عباده



لبكي بكى ضيقة ولوعه وغربال
مابكي بكى خوف وذل وشراده


بس المصيبه حظك الشين لامال
اليا رقد يابعد الله قعاده

:: لاتسألوني عن سبب ضيقه البال ؟؟؟؟ ::





وانا مع حظي بسبب ناس عذال
زادوا علي من النكاده نكاده



صحيح انا عايش ولو الحزن طال
الحمدلله والشكر والشهاده



الفضل لله عزني بكل الاحوال
ماذلني بحاجه تشمت اعباده



مير البلا ضيقات الوان واشكال
لاجني خلني طريح الوساده




هذا انا ياناشديني عن الحال
من كثر ضيقاتي نسيت السعاده

مماارااق لي