-*™£ منتدى آل شراحيل بفيفاء£™*- - عرض مشاركة واحدة

09-03-2012, 08:31 PM

يـاقـمــــة الـــذوق كلمـنــــي وخــبرني
عـن صحـتــك ياأعـــزالـنـاس وأغـلاها

وعــن زايــد الشــوق طمنــي وبشـرني
وعـن المحــبـة بقـلــبـك كـيـــف دنيـاها

حـي الله اللـي مــلك روحـــي وسـيرني
عـلــى دروب الـغــلا والـنـفــس يدراها

لانامــوا الـنـاس طيفــك جـاء يسهـرني
ونفسي على درب وصلك طاب مسراها

تــدري لـوتغــــيـب بغـيـابـك تـدمـرني
وتـذبـل مشـاعــر بنبــع الحـب منشــاها

وتدري لو تـروح عـن عيني وتهجـرني
تـذنـب بنفــس ٍ تعــبت أجمّـــع أشـلاها

وتـدري على مركب أحـــلامي مسفرني
أعـبر بحـــورك ولاادري وين مرسـاها

وتدري وش اللي على غيابك مصبرني
محبــتـك لــي بكـف العهــــد ترعــاها

الله عـلـى حـــبـك الســـامــي يقــدرني
وارضي عيونك من أقصاهاإلى اقصاها

الـوقـــت غــــــدار والايــــام تقهــرني
حتى العـــيـون الغـوالـي رخصـت ماها

وقتـي قبـل شـوفتـك قـــاسـي ومنكـرني
أبنـي صـــروح الأمـــل ويهــد مبنــاها

مـاأبـيـك ياغـايتــي بالحـــب تشـكـرني
أبيــك تـرعــى مشـاعــــر لك وهبنـاها

واذا غـرقــــت بغـــرامـــك لاتدورني
أبحث عن الـروح في روحـــك وتلقاها

وابـيــك تجمـــع شــتـاتــي ثـم تنـثرني
علـى رحــــابة غـلاك وطـــيب سكناها

ضمـد جــروحي وبالأشــواق عمــرني
علـى يـدينــك شـفـا روحـــي وسـلواها

لاتـترك الجــرح لـين الـنزف يغمـرني
ترى الجـروح ان تمادت يصعب ادواها

وأبيـــك لـو طـالـــت الأيــام تـذكــرني
حـــلات الأيـام يــوم تعـــيـش ذكــراها

مشـاعـــري لك يانـور العـين تجــبرني
أكتـب بيــوت القصـــايـد لجــل تقـراها